Starfsskýrsla hjóladeildar Aftureldingar 2022

Árið 2023 var það blómlegasta í starfsemi hjóladeildarinn hvað almenna starfsemi varðar. Nokkuð var um áherslubreytingar þar sem hvorki Reykjalundarmótið né Fellahringurinn voru haldin með hefðbundnum hætti. Í stað Fellahringsins var haldið samhjól í tenglsum við bæjarhátíðina okkar, Í túninu heima.

Áherslur stjórnarinnar voru kynntar á aðalfundi en þær voru fyrst og fremst að auka fjölbreyttni almennra æfinga fyrir félagsmenn. Starf hjóladeildarinnar miðast fyrst og fremst að því að félagsmenn komi saman og njóti bæði samvistar og umhverfis. Út frá þeirri stefnu var ákveðið að skipuleggja starfið með eftirfarandi hætti:

• Fjallahjólaæfingar fullorðinna voru tvisvar í viku, önnur æfingin tækniæfing og hin samhjól.
• Boðið var upp á fjallahjólanámskeið fyrir unglinga á aldrinum 12-17 ára – Haldin voru tvö námskeið, annað í maí til júní og hitt ágúst til september. Fjöldi þátttakenda var 8 og mældust námskeiðin vel fyrir.
• Boðið var upp á fjallahjólanámskeið fyrir konur í maí, alls þrjú skipti. Alls voru 17 konur sem sóttu námskeiðið og mældist það vel fyrir.
• Sérstakur rafmagnsfjallahjólahópur hóf starfsemi með samhjóli einu sinni í viku.
• Áframhaldandi samstarf við Víking og um gagnkvæma viðurkenningu á félagaaðild, sem þýðir að okkar félagar geta sótt götuhjólaæfingar hjá Víkingi og Víkingar fjallahjólaæfingar hjá UMFA.

Þá hefur hjóladeildin unnið að slóðagerð í Mosfellsdal í samstarfi við Skóræktarfélag Mosfellsbæjar. Þá er Mosfellsbær að vinna að gerð fjallahjóla æfingasvæðis fyrir börn sem mun nýtast unglingastarfi deildarinnar afar vel.

Stjórn Hjóladeildar 2023-2024

Formaður: Ólafur Örn Bragason

Gjaldkeri: Kristín Sveinsdóttir

Meðstjórnendur:

Elías Níelsson

Gissur Örlygsson

Grétar Strange

Þröstur Þorgeirsson